قصة واقعية
قصة ماهي بخياليه القصه ارويها وانا بكامل قوايي العقليه عنوانها الاحوال الشرعية
جاني تلفون وانا في عز النوم يقولون
قوم الحق قوم شوف جانا المأمور يأمرنا بالخليه
قلت اروح صوب المحكمة يمكن القى لي
حل استأنف او يخطر عبالي خطه جهنميه
وصلت ودخلت استفسرت وسئلت قالولي
استشكل قلنا بسيطه دام الاوراق قانونية
رحت وطبعت وقعت وبصمت قلت
وين اقدمها قالو عند مكتب السكرتيره اليازيه
شفتها كلمتها جادلتها ومدري وش صارلي
وقتها تجرأت وسئلتها وش سر الخدود الشاميه
تبسمت ويا ويل قلبي يوم تبسمت نسيت
القضيه وام القضيه من نظرة عيونها الساحريه
قامت ومشت ويا ويل حالي يوم مشت
كنها فرس عربيه يسمونها المعنقيه
طول وهيبه ومشيتها مشية ملوك تحس
قلبك يمشي وراها ملهوف في انوثتها جاذبيه
مدري وش حالها يا حظ من في قلبها
ما علينا المهم ما تلومو قلبا احاسيسه شاعريه
يمكن اخطيت يمكن تعديت هاذي
قصتي بقولها واوصفها في قصيده غزليه
يا بنت يلي شفتها في ظرفا صعيب
شوفتك زالت هموما معتليه
اشهد ان شوفتك اطفت نار اللهيب
وابردت قلبي من نار كويه
يا بنت مبسمك نساني كل هم وكل مصيب
نساني همومي واحزاني وكل بليه
وعلى دربك الهوى ياخذني ويجيب
لين بانت اسراري لك معتريه
يا بنت من اولها حسيت بحساس غريب
مدري اندماج ارواح ولا جاذبيه
حسيت انك لي قريبه وانا لك قريب
يمكن خويه او اقرب شويه
يا بنت تمنيت لو كان خويك لي صحيب
واشوف وردات بيتكم من يدك مرويه
اوتكوني بنت عمي لا من حسيب ولا رقيب
ولا من حد يلومني و يتسلط عليه
يا بنت طولك ذبحني وعيونك سوادها عجيب
والمشية ملتويه والخطوه ملكيه
والرموش يدوخني وبرمشتهم شي رهيب
ويا ويلي من شفايف مخموره ومستويه
يا بنت شفت فيك معالم الاصاله والطيب
وتحريت فيكي جمال الروح والانسانيه
احس اقدامي ما تحملني كل ما فكرت عنك اغيب
احسهم مربطه بحبال قويه
يا بنت انا ماني بشاعر وماني بأديب
وماني حافظ حروف الابجديه
بس قلت اكتب يا ولد لعلها تصيب
يمكن تعبرني وفي قلبها حنيه
واختم كلامي بالصلاه على الحبيب
واقدم حروفي لعيونها هدية
ليست هناك تعليقات:
إرسال تعليق